Një 63 vjeçar ka konsumuar helm përballë godinës së SPAK këtë të martë. Në lidhje me ngjarjen ka reaguar edhe policia, e cila bën me dije se 63-vjeçari ka konsumuar fotoksinë.
Shtetasi Pal Trashaj është dërguar në spital, ku po merr ndihmën mjekësore.
“Më datë 02.07.2024, në rrugën “Panorama”, përballë godinës së Strukturës së Posaçme kundër Korrupsionit dhe Krimit të Organizuar, shtetasi P. T., 63 vjeç, dyshohet se ka konsumuar fostoksinë dhe aktualisht ndodhet në spital nën kujdesin e mjekëve. Grupi hetimor po punon për sqarimin e rrethanave të ngjarjes”, thuhet në njoftimin zyrtar të bluve.
