Dy të rinj janë konfliktuar pas një sherri se njëri i kishte ngacmuar të dashurën tjetrit. Në këtë konflikt ka marrë pjesë dhe vetë e reja e cila tashmë është në pranga.
Ngjarja ka ndodhur në një lokal në lagjen “1Maji” në Levan të Fierit. Eneo Bubullima, 27 vjeç dhe File Avdiraj, 27 vjeçe i kanë vënë pistoletën në kokë 26 v jeçarit R.M.
“Policia kishte marrë një njoftim për një konflikt mes të rinjve. Kur kanë shkuar efektivët e policisë vajza File Avdiraj u kap duke fshehur armën tip pistoletë me të cilën Eneo Bubullima, për motive të dobëta, ka kanosur 26-vjeçarin R.M. Pasi i kanë neutralizuar, policia ka sekuestruar pistoletën dhe një krehër me 6 fishekë”, thuhet në njoftim.
Nga hetimet ka rezultuar se Eneo Bubullima dhe File Avdiraj kanë qenë në një lidhje dashurie. Dyshimet se 26-vjeçarin R.M i ngacmonte të dashurën kanë bërë që Bubullima ta kërcënonte bashkëfshatarin me pistoletë në kokë.
