Një nga personat që ka takuar biznesmenin italian Davide Pecorelli, i cili në muajin janar inskenoi djegien e tij në një fshat të Pukës ka qenë legjenda e futbollit vlonjat, Vasil Ruci.
Pas inskenoi vdekjen, histori e ngjashme me një skenar filmi, ai me nje identitet të rremë, pra me emrin Kristiano vazhdoi mashtrimin e tij duke u hequr si shkrimëtar.
Ndërkohë legjenda e Flamurtarit, Vasil Ruci, në një intervistë për “ABC” ka rrëfyer se si e ka njohur Pecorellin.
Sipas Rucit, Pecorelli me disa vlonjatë të tjerë kishe luajtur futboll për disa minuta me klubin e veteranëve të skuadrës që stërvitet nga vetë Ruci. Ai kishte shprehur dëshirën që të udhëtonte me ekipin e veteranëve që mblidhte Ruci, për në Greqi për të vizituar Paramithinë.
Me nota humori Ruci ka thënë se e vetmja fjalë që Pecorelli dinte shqip ishte fjala “Raki” pasi këtë pije ai e konsumonte së tepërmi.
Më tej ai vijon rrëfimin duke thënë se në momenti që ekipi i futbollit do të nisje për në Greqi, Ruci tregon se ishte njoftuar që Pecorelli nuk do u bashkohej pasi kishte babanë sëmurë dhe do largohej drejt Italisë.
Mes të tjerash Ruci me ironi tha se Pecorelli mesa duket ishte pajisur edhe me një teser partie. Sipas Rucit në Vlorë ka shumë italianë dhe shumica prej tyre janë bërë edhe me teser partie.
“E kam parë një ditë se erdhi në stërvitje . Nga java e kaluar, të shtunë ose të dielën. Se shkuam për një vizitë të këndshme në Greqi. Vjen kushdo në ekip, dhe as nuk e takova as se njihja Pecorellin. Kishte dëshirë të vinte me ne. Por mos e kërkoni tek unë. Po e kërkojnë të gjithë këtu tek unë. Histori e bukur kjo. Unë italisht nuk di, edhe ai vetëm ndonjë llaf shqip e kishte mësuar. Pinte raki çdo ditë atje tek klubi. Kishte dëgjuar se një ekip do shkon me Paramithia. U fut brenda dhe luajti futboll. Nuk erdhi me mua në Greqi. Më than këto miqtë e tij se kishte babanë sëmurë në Italia. “S’mora vesh më se do vinte apo jo. Janë legjenda që ne i bëjmë të bukura. Kishte muhabet me të gjithë Vlorën. Shkruan poezi të bukura dhe poezitë i mbaronte me romancë në fund.” shtoi ai.
“Këtu në Vlorë e kishin 8 muaj, pinte raki hante bukë, e qerasnin se nuk kishte lek në xhep. Më duket kishte marrë dhe teser partie. Ai kishte lënë flokët të gjata e të lyera. Kishte heq dhe vetullat.” tha Ruci.
“U habitën të gjithë se nuk e dinin kë shoqëronin. Histori tragjike-komedi.” tha më tej Ruci.
Kujtojmë se automjeti që Pecorelli kishte marrë me qira u gjet i djegur në Pukë në janar të këtij viti. Brenda makinës së djegur u gjetën disa eshtra, ADN-ja e të cilave nuk mundi të identifikohej si dhe celulari dhe ora e tij e shtrenjtë. Ngjarja u dyshua si kriminale dhe hetimet u përqendruan te një vrasje e mundshme, ndonëse nuk rezultonte se Pecorelli të kishte patur konflikte me njeri. Ai kishte biznese në Shqipëri ku tregtonte pajisje për sallone bukurie. Pecorelli ishte martuar me shqiptare, me të cilën kishte edhe një fëmijë.
Me gjetjen e tij gjallë, janë pushuar hetimet për vrasje, ndërsa tashmë do të hetohen shkaqet e inskenimit të kësaj ngjarjeje.
