Kompania ajrore skandinave “SAS” (Scandinavian Airlines) ka anuluar më shumë se 1,200 fluturime që do të zhvilloheshin të hënën dhe të martën, për shkak të një greve të pilotëve.
Greva ka filluar që në datën 26 prill për shkak të mosmarrëveshjeve mbi pagat. Prej nisjes së kësaj greve, janë anuluar rreth 70% e fluturimeve të kësaj shoqërie ajrore, duke shkaktuar probleme për 170 mijë pasagjerë .
“SAS” është një kompani e përbashkët mes vendeve skandinave të Suedisë, Danimarkës dhe Norvegjisë, e cila ka 169 avionë duke ofruar 123 destinacione./Opinion.al
