Pilo Keri pronari i karburantit që u bë shkak për aksidentin fatal të Kavajës ku vdiqën dy fëmijë, reagon duke thënë se sulmi ndaj tij është mediatik e politik. Sipas Pilo Kerit, i biri nuk e ka favorizuar në tendera.
Ja reagimi i tij i plotë për mediat
Në vijim të sulmit politik që po më bëhet prej rreth 3 javësh nga “klane” të interesave klienteliste politike dhe mediatike, për gjoja favorizimin e punës së subjektit “Pienvis” sh.p.k nga pozita e tim biri në Ministrinë e Transportit dhe Infrastrukturës, sqaroj opinionin publik se:
– Subjekti “Pienvis” sh.p.k është krijuar në vitin 1995 me objekt punime ndërtimore dhe ka një eksperjencë 21 vjecare në këtë fushë.
– Të qenurit deputet i Partisë Socialiste në vitet 2005-2009, më detyroi të largohesha nga sektori privat për një periudhë të gjatë, por edhe e futi këtë subjekt në “listën e zezë” të politikës.
– Im bir është rikthyer në Shqipëri pas 6 viteve studim jashtë vendit, në vitin 2011, ku dhe fillojë punë në sektorin e aviacionit civil, sipas ekspertizës që ka.
– Në vitin 2013 ai u pozicionua si këshilltar për aviacionin civil pranë Ministrisë së Transportit, si pjesë e programit LEAD Albania të Fondacionit Shqiptar-Amerikan për Zhvillim (AADF).
– Në Nëntor 2014, për shkakun e vetëm të performancës personale dhe tërësisht jashtë politike, u emëruar për një periudhë 1 vjeçare, si Drejtori Kabinetit në Ministrinë e Transportit, për të konkurruar më pas për të qenë pjesë e shërbimit civil.
– Pas procesit konkurrues, ai fitoi pozicionin e drejtuesit të nivelit të mesëm në një drejtori brenda ministrisë, detyrë që e ushtron me integritetin më të lartë.
– Këto janë spekulime dhe sulme politike që bëhen për shkak se më parë kam qenë deputet i Partisë Socialiste, por sulmet e drejtpërdrejta ndaj biznesit të ndershëm nuk mund të anashkalohen.
– Për të gjithë akuzat e rreme nga këto media të politizuara dhe klienteliste, unë do t’i drejtohem organeve kompetente. Shpifjet duhet të marrin fund një herë e përgjithmonë.
