Formimi i një stuhie të madhe në Neptun, është kapur nga astronomët duke përdorur teleskopin “Hubble Space”. Stuhia u dokumentua si një proces i plotë nga krijimi, e deri tek zhvillimi i saj.
Kjo është stuhia e gjashtë që shkencëtarët kanë qenë në gjendje që ta dokumunetojnë që nga viti 1989, kur vëzhguesi i NASA-s “Voyager 2”, fluturoi për herë në Neptun.
“Pika e Madhe e Errët”, u bë e dukshme vitin e kaluar pasi shkencëtarët po gjurmonin një stuhi më të vogël që nga 2015. Besohet të jetë 11,000 kilometra e gjatë dhe 5,000 km e gjerë. Ajo ka marrë këtë emër pasi stuhitë e shkaktuara nga presioni i lartë atmosferik krijojnë një hije të errët në sipërfaqen e Neptunit.
Stuhitë në planeet e tjerë mund të zgjasin nga disa vjet deri në disa shekuj. “Pika e madhe e kuqe” e Jupiterit besohet se zgjat që nga shekulli 17, ndërsa stuhia më e gjatë e regjistruar ndonjëherë në Tokë ka zgjatur 31 ditë. Bëhet fjalë për uraganin John, në vitin 1994. /Opinion.al
