Deputeti demokrat Edi Paloka ka treguar detaje nga protesta e opozitës që do të zhvillohet të martën përpara Parlamentit, ndërsa do të zhvillohet dhe seanca. Në një postim në rrjetet sociale, ai shkruan se protestuesit do jenë më të shumtë këtë herë. Sipas tij gazi iu ka ngacmuar ca nerva që kishin mbetur të fjetura.
“Kam një thirrje vetëm për ata që kur njerëzit protestojnë, kanë qejf të sodisin nga televizionet e kafeneve; nese nuk vini në proteste po për arsyet tuaja keni qejfin të rrini në kafe, zgjidhini kafet sa më larg…Ndërsa ju biznesmenë , pronarë dyqanesh e baresh që e dini, si shumica e shqiptarëve, se kjo qeveri duhet larguar për të mirën e të gjithëve, mos mendoni atë ditë për ato pak lekë që nuk do merrni po mbyllet qepenat. Shihni me larg”, shkruan Paloka.
Sipas tij kjo është një rrugë pa kthim dhe sa më shumë të qëndroj në atë karrige Rama , aq më shumë do përkeqësohet situata. Paloka është në një linjë me kryedemokratin, teksa thekson se çdo hap i Kuvendit ilegjitim, nuk njihet nga opozita. /Opinion.al
