Dy oficerë policie në Elbasan janë pezulluar nga detyra. Pezullimi i tyre erdhi pasi ekzekutimit të vendimit penal dhënë nga Gjykata e Shkallës së Parë Elbasan, për caktimin e masës së sigurimit personal me karakter ndalues “Pezullim i ushtrimit të një detyre a shërbimi publik” në ngarkim të punonjësve të policisë.
Dy efektivët e policisë akuzohen se nuk kanë zbatuar procedurat standarde për ndalimin e një shtetasi në kërkim policor.
Të pezulluarit nga detyra janë nënkomisar U.SH, 37 vjeç, me detyrë Shef i Seksionit të Trafiqeve të Paligjshme dhe Narkotikëve në DVP Elbasan dhe nënkomisare S.K., 45 vjeçe, me detyrë Specialiste pranë Seksionit të Trafiqeve të Paligjshme dhe Narkotikëve në DVP Elbasan.
