Opinion.al
Nuk ka rezultat
View All Result
KONTAKT
  • Hyrja
  • Kryesore
  • Aktualitet
    • Politikë
    • Kronikë
    • Sociale
  • Unë shkruaj
  • Komente
  • Bota
  • Sport
  • InstaBIZ
  • OPINION WEB TV
    • Emisionet
    • U tha në Opinion
    • Si u Veshën
  • Life Style
    • Shëndeti
    • Jetë dhe Stil
    • Teknologji
    • Kulturë
Opinion.al
Nuk ka rezultat
View All Result

Petro Marko/ E bija rrëfen ditëlindjen e 60-të: Të nesërmen u përjashtua

2018/12/02 at 7:01 PM
në -Kulturë, Kryesore
Kohë leximi: 5 min
A A
Petro Marko/ E bija rrëfen ditëlindjen e 60-të: Të nesërmen u përjashtua

ANILA MEMA/ Përherë jam ndier si në shtëpi. Që herën e parë, kur kapërceva pragun e asaj banese në bulevardin “Zogu i Parë”, që mban që në hyrje pllakatin me emrin e shkrimtarit Petro Marko. Po bëhen gati dy dekada që kur njoha nga afër Safon, Madun, Arianitën e aq më shumë Petron, njeriun – shkrimtar mes rrëfimeve emocionuese të familjarëve. Shpesh, gjatë viteve të mia në gazetari, jam përpjekur të shoh pak më përtej profesionit (artist, shkrimtar, piktor… etj) aty ku bashkohet profesioni me njeriun dhe kjo më ka bërë të dua më shumë njerinë.


Petro Markon më shumë se mes librave e kam njohur nga dorëshkrimet, mes sendeve personale e mes kujtimeve të të dashurve. Sa herë ndodh të jem në atë shtëpi, jehona e tiktakut të tasteve të makinës së shkrimit dëgjohet ende. Shfletimi i dorëshkrimeve, i blloqeve të shënimeve, i fletëve të shkëputura, i letrave, bën të mundur frymëmarrjen që nuk mund të ndalojë. Fjalët që mbetën të shkruara në letër dhe ato që do të kishte dashur të thoshte akoma për të komunikuar me njerëzit, me ditët, me kohën që ecën, me jetën, tingëllojnë e nuk shuhen.

Ç’rëndësi kishin datëlindjet në familjen tuaj? Ç’kuptim e ç’formë merrnin?

Në familjen tonë, festimin e datëlindjeve e kemi pasur si një lloj riti. I kemi kujtuar të gjitha datëlindjet, e gjithsecilit prej nesh. Nuk është se bënim ndonjë gjë të madhe, nuk ftonim njerëz, por e festonim të katërt. Përgatisnim gatime më të zgjedhura se në ditët e zakonshme, merrej torta dhe të katërt mblidheshim në tavolinë e babi na tregonte kujtime nga fëmijëria e tij, fliste për mamanë, për shtëpinë, për të atin… Përgjithësisht nuk fliste vetë, por unë e nxisja të na tregonte. Petro është rritur jetim që në moshën 6- vjeçare dhe ditëlindjet nuk ka pasur kush t’ia festonte.

Më pas shkoi në shkollë e më tej nëpër burgje, nëpër internime. Është kujtuar si datë, por nuk është bërë asnjëherë asgjë, ndaj dhe tradita për t’i kujtuar datëlindjet na ka mbetur nga gjyshja, mamaja e mamit, e cila Petron gjithmonë e ka trajtuar me shumë ngrohtësi. Datëlindjet tona i organizonte ai. Madu dhe Safo e kanë pasur ditëlindjen në mars, unë në prill dhe babi në nëntor. Babi më thoshte shpesh; të kemi llogaritur të lindësh në muaj shkolle, ta festosh ditëlindjen me shokët e klasës. Kishte dëshirë që unë të ftoja shok e shoqe.

Petro Marko me familjen

Cila nga festimet e datëlindjeve të tij ju ka mbetur në kujtesë?

E vetmja datëlindje, që është organizuar e madhe dhe ka qenë më e veçantë është në vitin 1973, për 60-vjetorin e Petros. Lidhja e Shkrimtarëve dhe Artistëve e organizonte këtë event. Sigurisht, ishim të entuziazmuar se ishim të ftuar të gjithë si familje në atë aktivitet ku merrnin pjesë shumë artistë nga zhanre të ndryshme. Më bëri përshtypje se atë ditë aktiviteti u shty pak kohë se pritej të vinte ndonjë zyrtar i lartë i shtetit, siç ishte zakoni, të merrnin pjesë në aktivitete të tilla. Por askush nuk erdhi. Gjithçka shkoi shumë mirë, atë natë u fol shumë bukur dhe shumë ngrohtë për Petron dhe veprën e tij, më pas babi i ftoi të gjithë në shtëpi për darkë. Mami dhe një shoqe kishin përgatitur gatime të ndryshme.

Por, përveç familjes, të gjithë që ishin atë natë në shtëpi e dinin që për babin ishte marrë vendimi që do të përjashtohej nga Lidhja e Shkrimtarëve, do t’i hiqej e drejta e botimit dhe librat do t’i bëheshin karton. Ndaj, të gjithë ishin aq të dashur se e dinin që të nesërmen fillonte ndryshimi për Petron. Të nesërmen u morën masa kundër tij. Kjo është e vetmja ditëlindja e vërtetë që është organizuar për babin, sigurisht që kishte diçka të zezë që e pasonte mbrapa.

Petro Marko me gruan

Thatë se për datëlindjet tuaja kujdesej ai. Sa i përkushtuar ishte ndaj detajeve, dhuratave, veçanërisht për Safon?

Nuk është se ishte tip që blinte lule, ama mamit i blinte dhurata përherë, gjërat që asaj i duheshin dhe ishte e vështirë t’i gjeje në ato kohë, si fustane, këpucë apo bizhuteri, të cilat Safo i pëlqente shumë. Pa harruar këtu ëmbëlsirat që mami i kishte shumë qejf dhe këto të fundit babi i sillte shpesh edhe pa pasur asnjë rast feste. Më vonë, pas ikjes së babit, organizimet e ditëlindjes më mbetën mua. Edhe shumë vite më pas, bashkë me Safon dhe Madun uleshim në tavolinë dhe kujtonim ditëlindjen e tij.

Ai ishte shumë familjar, i dashur, I afërt, mbrojtës, aq sa kur iku nga kjo jetë edhe mami thoshte: ngelëm pa babin. Dua të kujtoj një episod, kur mes shumë dorëshkrimesh gjeta dhe një rekomandim në një copë letër, që i përkiste vitit 1945. Atë kohë babi punonte si kryeredaktor i revistës “Bashkimi”. Ky rekomandim i kishte ardhur për mamin, e cila ishte pa punë dhe duhej të punonte aty. Atë rekomandim, i cili u bë sebep për të njohur mamin, Petro e ka ruajtur gjithë jetës. Janë detaje që të bëjnë të kuptosh se sa shumë e ka dashur ai njeri Safon.

Kur është përkujtuar për herë të fundit datëlindja e shkrimtarit?

Është organizuar një tjetër aktivitet me rastin e 100-vjetorit në një ceremoni në Bibliotekën Kombëtare. Dhe çdo vit nga unë, por është ndryshe ta kujtoj unë, e cila jam bija e tij, dhe ndryshe kur e kujtojnë vetë institucionet. Më vjen shumë mirë që në këtë rast Himara po organizon diçka në kujtim të Petros në Muzeun Historik Kombëtar, pasi Himara është vendi ku ai lindi, shkroi e punoi shumë dhe deshi të prehet aty deri në fund. Më vjen gjithashtu mirë, që do të organizohet edhe aktiviteti përkujtimor te “Heminguej” ditën e hënë.

105-vjetori i tij është shumë afër, çfarë ndien, si e pret?

Petro më thoshte shpesh, kur je shumë e mërzitur, mundohu të kujtosh gjëra të bukura, por, për fat të keq, kur kujton gjërat e bukura, nuk ka se si të mos mendosh edhe vazhdimësinë, implikimin që kanë ndodhur pas gjërave të bukura. Ndaj, ditën e lindjes dhe ditën e vdekjes nuk kam se si të mos i lidh me njëra-tjetrën. Kam shumë hidhërim për jetën e tij. Kam hidhërim për ato dorëshkrime që kam në shtëpi, për fotografitë. Kam hidhërim për ato që ai nuk mundi të shkruante, sepse gjithë jetës këtë merak kishte:

“Kam shkruar shumë pak nga ato që kam dashur të shkruaja”, më thoshte. Ishte pamundësia e tij për të shkruar në shumë vite e më pas në kohën që pati mundësinë të shkruante, ishte aq i sëmurë sa sërish nuk mundi dot. Më kap hidhërimi se sa kohë jam gjallë unë, që jam e fundit, ata do të jetojnë brenda meje, por çfarë do të bëhet pas kësaj? Prandaj do desha që Petro të kujtohej. Ai vendin e ka dhe nuk ka nevojë që t’ia japin pushtetarët, a qeveritë që vijnë e ikin, vendin Petro Markos ia kanë dhënë lexuesit. Dhe këtu dua të citoj vargjet e tij: “Mund të ketë një ish-ministër, një ish-president, një ish-udhëheqës, por kurrë nuk mund të ketë një ish-shkrimtar”. / Panorama

 

 

Etiketa: arianita markoditelindjapetro markosafo marko


Ju sugjerojmë

Motoja e samitit “Europa në një botë të re”/Rama dhe Costa, letër liderëve evropianë
Aktualitet

Motoja e samitit “Europa në një botë të re”/Rama dhe Costa, letër liderëve evropianë

14 Maj, 2025 12:15 pm
Antonio Costa uron kryeministrin Rama për fitoren: Rezultate mbresëlënëse zgjedhore!
Aktualitet

Antonio Costa uron kryeministrin Rama për fitoren: Rezultate mbresëlënëse zgjedhore!

14 Maj, 2025 12:01 pm
Mashtrim në Call Center/ Pranga për 6 punonjës, 1 organizatorët. Të tjerë në kërkim
Aktualitet

Mashtrim në Call Center/ Pranga për 6 punonjës, 1 organizatorët. Të tjerë në kërkim

14 Maj, 2025 11:58 am
KZAZ 40 vijon me numërimin e votave preferenciale, ja trendi deri tani
Aktualitet

KZAZ 40 vijon me numërimin e votave preferenciale, ja trendi deri tani

14 Maj, 2025 11:52 am
Von der Leyen uron Ramën: Nën udhëheqjen tuaj, Shqipëria ka bërë përparim drejt BE
Aktualitet

Von der Leyen uron Ramën: Nën udhëheqjen tuaj, Shqipëria ka bërë përparim drejt BE

14 Maj, 2025 11:33 am
Kreu i PD, Berisha publikon posterin e fushatës: Mbrojmë votën e shqiptarëve!
Kryesore

Kreu i PD, Berisha publikon posterin e fushatës: Mbrojmë votën e shqiptarëve!

14 Maj, 2025 11:31 am
Aksidenti te “Pallati me Shigjeta”/Policia: Në kërkim 2 të rinj, po ndiqnin…
Aktualitet

Aksidenti te “Pallati me Shigjeta”/Policia: Në kërkim 2 të rinj, po ndiqnin…

14 Maj, 2025 11:18 am
Macron i uron në shqip fitoren Ramës: Franca, krah Shqipërisë në rrugën drejt BE
Kryesore

Macron i uron në shqip fitoren Ramës: Franca, krah Shqipërisë në rrugën drejt BE

14 Maj, 2025 11:11 am
Presidenti i Emirateve të Bashkuara uron Ramën: Zgjerojmë bashkëpunimin mes kombeve
Aktualitet

Presidenti i Emirateve të Bashkuara uron Ramën: Zgjerojmë bashkëpunimin mes kombeve

14 Maj, 2025 11:04 am
62-vjeçari bie nga lartësia në Golem, ndërron jetë gjatë rrugës për spital
Aktualitet

Aksident i rëndë në dalje të Tiranës/Makina përplaset me motorin, vdesin 2 të rinjtë

14 Maj, 2025 10:58 am
Para
Vajzat e shkurtra & meshkujt e gjatë kanë martesë më të gjatë e të lumtur

Vajzat e shkurtra & meshkujt e gjatë kanë martesë më të gjatë e të lumtur

E Fundit/ Merr flakë një lokal në Rrugën e “Kavajës”

Zjarr në një pallat në Tiranë, evakuohen banorët

Lind djalin jashtë martese, familja i kërkon emrin e babait të foshnjës

Lind djalin jashtë martese, familja i kërkon emrin e babait të foshnjës
















TE FUNDIT

Motoja e samitit “Europa në një botë të re”/Rama dhe Costa, letër liderëve evropianë

Motoja e samitit “Europa në një botë të re”/Rama dhe Costa, letër liderëve evropianë
14 Maj, 2025

Presidenti i Këshillit Evropian, Antonio Costa dhe kryeministri shqiptar Edi Rama ju kanë drejtuar një ftesë të përbashkët lidereve nga...

Lexo më shumë

Antonio Costa uron kryeministrin Rama për fitoren: Rezultate mbresëlënëse zgjedhore!

Antonio Costa uron kryeministrin Rama për fitoren: Rezultate mbresëlënëse zgjedhore!
14 Maj, 2025

Presidenti i Këshillit Evropian, Antonio Costa ka uruar kryeministrin Edi Rama për fitoren në zgjedhjet parlamentare të 11 Majit. Përmes...

Lexo më shumë

Mashtrim në Call Center/ Pranga për 6 punonjës, 1 organizatorët. Të tjerë në kërkim

Mashtrim në Call Center/ Pranga për 6 punonjës, 1 organizatorët. Të tjerë në kërkim
14 Maj, 2025

Policia e Shtetit ka zbuluar një call center në Tiranë ku kryhej mashtrim kompiuterik. Sipas policisë është vënë në pranga...

Lexo më shumë

KZAZ 40 vijon me numërimin e votave preferenciale, ja trendi deri tani

KZAZ 40 vijon me numërimin e votave preferenciale, ja trendi deri tani
14 Maj, 2025

Në KZAZ 40, pra në shkollën “Sami Frashëri”, po vijon ende numërimi i votave preferenciale. Gazetari Besar Bajraktari raporton se...

Lexo më shumë
Opinion.al

Kategoritë

Kryesore

Aktualitet

Unë Shkruaj

Komente

Bota 

Sport 

Instabiz

Opinion Web Tv

Lifestyle

Galeri

Rreth Nesh

ON AIR: E hene – E marte – E merkure – 22:15 E ejnte – 21:00

OPINION nga Blendi Fevziu. Emisioni politik me i ndjekur dhe me i preferuar ne ekranet shqiptare.
“Opinion” vjen ne kater takime cdo jave – e hene, e marte, e merkure dhe takimi tradicional i te ejntes mbrema.
Cdo jave ne studion e Tv Klan, komente, analiza, debate, komente, intervista, personazhe, deshmi dhe fakte konkrete. Ngjarjet me te fundit dhe me te rendesishme ne jeten politike dhe sociale te vendit, me debatet, opinionet dhe analizat e te ftuarve ne studio.
Salloni i politikes dhe aktualitetit hap dyert 4 mbremje ne jave, per te degjuar opinionet e politikaneve dhe analisteve. Padron i shtepise, gazetari dhe analisti Blendi Fevziu.

Të gjitha të drejtat e rezervuara Opinion ©2025
Dev By Techzero1.com

Nuk ka rezultat
View All Result
  • Hyrja
  • Kryesore
  • Aktualitet
    • Politikë
    • Kronikë
    • Sociale
  • Unë shkruaj
  • Komente
  • Bota
  • Sport
  • InstaBIZ
  • OPINION WEB TV
    • Emisionet
    • U tha në Opinion
    • Si u Veshën
  • Life Style
    • Shëndeti
    • Jetë dhe Stil
    • Teknologji
    • Kulturë

Të gjitha të drejtat e rezervuara Opinion ©2025
Dev By Techzero1.com