Një pushues ka ndërruar jetë sot në plazhin e Spillesë.
Burime nga policia bëjnë të ditur se shtetasi M.K, rreth 72 vjeç, banues në Elbasan, ka ndërruar jetë rreth orës 11:00 pasi është futur në ujë për tu larë. Dyshohet se i moshuari ka pasuar arrest kardiak.
Qytetarët dhe vrojtuesit e plazhit janë munduar për ti dhënë ndihmën e parë por 72 vjeçari nuk ka mundur të mbijetojë.
Rastet e pushuesve që kanë humbur jetën si pasojë e arrestit kardiak kanë qenë të shumta këtë sezon turistik, ku plazhi i Durrësit regjistron numrin më të lartë të jetëve të humbura. /Opinion.al
