Një sherr i dhunshëm ka ndodhur ditën e sotme në qytetin e Korçës, ku një 18-vjeçarë është rrahur nga pesë persona.
Ngjarja ka ndodhur në lagjen nr.17 në Korçë, rreth orës 14:30.
Sipas policisë, dyshohet se pesë shtetasit kanë përplasur automjetin me 18-vjeçarin dhe më pas janë konfliktuar fizikisht me të.
Autorët dyshohet se e kanë goditur me sende të forta të riun, duke i shkaktuar dëmtime të shumta.
Ndërkohë policia ka shpallur në kërkim pesë autorët e dhunës dhe po punon për kapjen e tyre.
Njoftimi i policisë:
Korçë/Goditën me automjet dhe me sende të forta një 18-vjeçar duke i shkaktuar dëmtime fizike, Policia vijon intensivisht punën për kapjen e 5 shtetasve, autorë të dyshuar të ngjarjes së ndodhur sot, në lagjen nr. 17.
Më datë 19.06.2024, rreth orës 14:30, në lagjen nr. 17, Korçë, shtetasit S. S., 33 vjeç, S. S., 25 vjeç, Dh. D., 38 vjeç, A. D., 27 vjeç dhe M. B., 39 vjeç, banues në Korçë, të cilët lëviznin me automjetin tip “Range Rover”, dyshohet se kanë përplasur automjetin me drejtues shtetasin M. J., 18 vjeç dhe më pas janë konfliktuar fizikisht me të.
Gjatë konfliktit, pesë shtetasit e lartpërmendur dyshohet se e kanë goditur me sende të forta 18-vjeçarin, duke i shkaktuar dëmtime trupore.
Po nga deklarimet e 18-vjeçarit dyshohet se një prej autorëve ka patur një send, në dukje si armë zjarri.
Vijon puna për kapjen dhe vënien para përgjegjësisë penale të autorëve të dyshuar të ngjarjes.
Grupi hetimor në drejtimin e Prokurorisë, po punon për sqarimin e rrethanave dhe dokumentimin me prova ligjore të kësaj ngjarjeje.
