Pak ditë më parë policia e Shkodrës arrestoi pesë persona si dhe sekuestroi 205 kg drogë. Ditën e sotme të arrestuarit janë njohur me masën e sigurisë në Gjykatën e Shkodrës.
Mësohet se Gjykata ka vendosur të lërë në burg shtetasit Zef Kola, Kristian Melaj dhe Genc Meçaj. Dyshohet se Kola ishte kreu i grupit të strukturuar kriminal ndërsa Meçaj bashkëpunëtori kryesor.
Ndërsa për shtetasit Elvis Hysaj dhe Xhusepe Melaj gjykata vendosi masën e sigurisë “detyrim paraqitje”. Sipas policisë, pesë personat e arrestuar ishin pjesë e një grupi të strukturuar kriminal në fushën e prodhimit dhe trafikimit të lëndëve narkotike.
Sasia e lëndës narkotike prej 205 kg drogë është gjetur në një fugon, ku ndodhej Zef Kola dhe Genc Meçaj, të cilët do të bënin shkëmbimin e lëndës narkotike. Sipas policisë, të arrestuarit e tjerë, bashkëpunëtorët e tyre.
Të arrestuarit trafikonin lëndën narkotike (marijuanë) nga qyteti i Koplikut në drejtim të Malit të Zi./ Opinion.al E.Xh.
