Tashmë përdorimi i një parfumi është bërë një detaj i rëndësishëm i ditës ashtu sikurse është veshja. Shumëllojshmëria e tyre bën që të gjithë të gjejnë veten në aromat e këtyre parfumeve.
AERIN me “Rose de grasse”
Ky është një parfum tipik pranveror. Të duket sikur je futur në një kopësht të mbushur me trëndafila, ndërsa ke hedhur këtë parfum. I bërë me esencën e trëndafilit bullgar, trëndafilit 100 fletësh, lule manushaqes dhe myshkut. Merrni frymë thelle dhe shijoni këtë aromë të gjithë ju që i adhuroni aromat e trëndafilave.
Salvatore Ferragamo me “Emozione”
Ferragamo është treguar më i rezervuar në krijimin e tij. Ai nuk na sjell gjithë lëndinën e luleve, por ka menduar të sjellë një aromë të ngrohtë, paksa glamur, e cila na kujton parfumin e nënës sonë. Një aromë e butë, e ëmbël dhe e dashur, ashtu si mami. Lule agrumesh, pjeshkë e bardhë, paçuli, lule kamoshi dhe myshk i bardhë.
Burberry me “Brit Rhythm”
Një koktej veror frutash. Një parfum i sofistikuar larg çdo arome të rëndomtë. Ritmi britanik, i përdorshëm jo vetëm në pranverë, por edhe në stinën e verës. Kënaquni me aromën e limonit, jaseminit, jargavan, zambak uji, bar indian dhe amber. Le të shpërthejë aroma.
Armani me “Prive Pivoine Suzhou”
Një aromë që të kujton bozhuret e freskëta, të sapo prera, që në sfond shoqërohen nga një tis i lehtë, i mandarinës, trëndafilit, paçulit dhe piperit rozë. Një aromë më pranverore se kaq, zor se mund të gjeni.
Bvlgari me “Aqva Divina”
Ç’mund të themi… Ky është një parfum si vet emri i tij. Një aromë hyjnore, paksa e kripur si aroma e detit në një mëngjes veror. Epo s’ju mbetet gjë tjetër, veçse ta provoni për të parë se sa e gjeni veten në të.
