Një 25-vjeçar është arrestuar nga Policia e Kavajës pasi akuzohet për 5 grabitje në këtë qytet. Mësohet se autoritetet kanë proceduar në gjendje të lirë dhe një 17-vjeçar.
I arrestuari është identifikuar me inicialet D. B., ndërsa i mituri me inicialet I. J. Sipas policisë, “Shënjestra” e tyre ishin kryesisht banesat e bizneset e vogla.
Nga tërësia e veprimeve hetimore të kryera ka rezultuar se këta shtetas janë autorë të dyshuar të 5 rasteve të vjedhjeve, konkretisht:
- Më datë 06.01.2021 kanë vjedhur 3 pajisje elektroshtëpiake në banesën e shtetasit H. A.;
- Më datë 01.01.2021 kanë vjedhur 1 televizor në banesën e shtetases M. K.;
- Më datë 01.01.2021 kanë vjedhur 1 frigorifer në kioskën e shtetases M. G.;
- Më datë 18.12.2020 kanë tentuar të vjedhin në mobilierinë në pronësi të shtetasit B. S.;
- Më datë 20.10.2020 kanë vjedhur disa produkte në lokalin e shtetasit Q. H.
Ndërkohë, vijon puna, në bashkëpunim me Prokurorinë, për dokumentimin edhe të disa rasteve të tjera të vjedhjeve në të cilat mund të jenë të implikuar këta shtetas./ Opinion.al
