Pronari dhe kamerieri i një lokali në Lushnjë u arrestuan nga policia, pasi në bashkëpunim me njëri-tjetrin kishin përshtatur përshtatur lokalin për përdorim kanabisi si dhe për aktivitetin e lojërave të fatit.
Në kuadër të operacionit “Tempulli” dhe “Sundimi i Ligjit” u arrestuan shtetasi 23 vjeç, i cili është pronari i lokalit dhe shtetasi 21 vjeç, i cili punonte si kamerier.
Në aparatet celular të këtyre shtetasve, shërbimet e Policisë gjetën faqe të ngjashme me ato të lojërave të fatit, dhe nga kontrolli i lokalit u gjetën dhe sekuestruan doza të lëndës së dyshuar narkotike kanabis.
Njoftimi i policisë:
Lushnjë/Aksione të përditshme në kuadër të megaoperacioneve “Tempulli”, dhe “Sundimi i Ligjit”.
Kishin përshtatur lokalin për përdorim të lëndëve narkotike dhe lojrave të fatit, vihen në pranga pronari dhe kamarieri i lokalit.
Shërbimet e Komisariatit të Policisë Lushnjë, në kuadër të megaoperacioneve “Tempulli”, dhe “Sundimi i Ligjit”, nga kontrollet e ushtruara në ambiente dhe lokale, kanë goditur një tjetër rast të përdorimit të drogave në lokale, si dhe përshtatjen e lokalit për aktivitetin e jashtëligjshëm të lojërave të fatit.
Për këtë rast u kapën në flagrancë shtetasit J. T., 23 vjeç, dhe K. A., 21 vjeç, (pronari dhe kamarieri i lokalit), të dy banues në Lushnjë, të cilët në bashkëpunim me njëri-tjetrin kishin përshtatur lokalin për përdorim të lëndës së dyshuar narkotike cannabis, si dhe për aktivitetin e lojërave të fatit.
Në aparatet celular të këtyre shtetasve, shërbimet e Policisë gjetën faqe të ngjashme me ato të lojrave të fatit, dhe nga kontrolli i lokalit u gjetën dhe sekuestruan doza të lëndës së dyshuar narkotike cannabis sativa.
Në vijim të veprimeve procedurale Sektori për Hetimin e Narkotikëve i DVP Fier arrestoi shtetasit J. T., dhe K. A.
Në cilësinë e provës materiale u sekuestrua lënda narkotike, 1 grirëse, dhe 5 aparat celularë.
Materialet procedurale i kaluan Prokurorisë për veprime të mëtejshme.
