Në vitin 2011, fustani i dasmës së Princeshës Kate u komentua gjerësisht në media, ndërsa disa vite më vonë një stiliste doli dhe tha se ideja ishte e saj dhe jo e Sarah Burton e cila e disenjoi në eër të shtëpisë së modës Alexander McQueen. Christine Kendall, stilistja e cila pretendon se ishte e para që hodhi idenë për këtë fustan, paditi asokohe edhe shtëpinë e modës Alexander McQueen.
Por mesa duket e njëjta histori është përsëritur edhe me fustanin e dasmës së Meghan Markle. Emilia Wickstead është stilistja e cila pretendon se Givechy ka kopjuar idenë e saj për fustanin e Meghan. Ajo e paraqet me prova një fustan thuajse identik me atë të nuses mbretërore, duke pretenduar se ideja nuk ishte autentike por e kopjuar. Ajo gjithashtu e kritikoi fustanin që veshi Meghan, duke u shprehur se i saji do t’i rrinte edhe më mirë.
