Opinion.al
Nuk ka rezultat
View All Result
KONTAKT
  • Hyrja
  • Kryesore
  • Aktualitet
    • Politikë
    • Kronikë
    • Sociale
  • Unë shkruaj
  • Komente
  • Bota
  • Sport
  • InstaBIZ
  • OPINION WEB TV
    • Emisionet
    • U tha në Opinion
    • Si u Veshën
  • Life Style
    • Shëndeti
    • Jetë dhe Stil
    • Teknologji
    • Kulturë
Opinion.al
Nuk ka rezultat
View All Result

Përse ju shërben protesta shqiptarëve?

2017/02/21 at 6:50 PM
në Te Fundit, Unë shkruaj
Kohë leximi: 3 min
A A
A ishin këto mesazhet e Kerrit?

Nga Blendi Fevziu –


Basha ka bërë atë që dukej se pritej prej kohësh. Ka thirrur një protestë masive dhe është ngulur prej ditësh në sheshin përpara Kryeministrisë. Kërkesa e opozitës është vetëm një. Ajo kërkon qeveri teknike si garanci për zgjedhjet e lira dhe të ndershme dhe kërcënon që nëse kjo nuk ndodh, në vend nuk do këtë zgjedhje. Basha e ka ripërsëritur këtë deklaratë edhe në një takim të rastësishëm me gazetarë, duke konfirmuar indirekt që përplasja me mazhorancën do jetë e gjatë dhe e përshkallëzuar.

Nuk ka asnjë dyshim që Basha ka vënë një bast të fortë. Nëse presioni i tij dhe i opozitës është i tillë që e detyron qeverinë të tërhiqet, atëherë ai ka fituar një betejë të madhe.

Nëse ai ja arrin që faktori ndërkombëtar ta mbështesë dhe të kthejë kokën me seriozitet nga Shqipëria, sërish kjo është një fitore.

Por nëse PD tërhiqet pa arritur asgjë, kjo konsiderohet disfatë dhe mund të ketë kosto të mëdha për Bashën dhe PD në zgjedhjet e ardhshme. Ky është basti i vështirë i Bashës dhe ai po e luan këtë.

Liderët politike rriten dhe krijojnë personalitet vetëm përmes sfidave dhe basteve të vështira. Në këtë këndvështrim, vendimi për të protestuar, me çdo përfundim që të vijë do ta konsolidojë atë si lider politik.

Personalisht kam një vështrim tjetër, edhe pse ndryshe për protestën në shesh. Unë besoj se pavarësisht përfundimit, protesta e opozitës shërben për të krijuar tek publiku një dimension të munguar prej vitesh në Shqipëri, dimensionin e protestës qytetare. Jo protestës partiake, protestës qytetare. Le të jetë sot PD apo opozita në shesh. Nesër ose në raste të tjera do të jenë më shumë qytetarë. Qytetarë që e kuptojnë që protesta është një e drejtë e tyre; që kuptojnë që protesta është një mjet për ta bërë më të mirë jetën e tyre të përditshme; është një mjet për t’i kërkuar llogari atyre që ju ke dhënë votën dhe që e shpërdorojnë atë.

Kudo në botë protestohet. Madje protestohet në vendet demokratike. Në vendet e pazhvilluara dhe të mjerë nuk ka protestë. Ka herë herë dhunë, por jo protestë. Shqipëria duhet të mësojë të protestojë paqësisht. Ideja që votohet një herë në katër vjet dhe vullneti shprehet me votë, nuk mjafton, është demode. Amerikanët janë të parët që po protestojnë; Francezët janë çdo javë në protestë; Britanikët kanë ditë që janë në shesh për çështje që ju interesojnë; Po ashtu fqinjët tanë: grekë, maqedonas apo rumunë. Protesta shërben që t’i bëjë qeveritarët më të përgjegjshëm.

Qytetarët duhet të protestojnë që parlamenti dhe administrata e këtij vendi të mos mbushet me banditë dhe kriminelë. Që Parlamenti i ardhshëm të mos ketë thuajse 20 % të tij që ka pasur probleme të hapura me drejtësinë.

Që Bashkitë të mos drejtohen nga trafikantë dhe ish të dënuar ordinerë. Si mund të jetojë i lirë një qytetar në bashkitë e vogla, kur në krye të tyre janë njerëz që shkeljen e ligjit e kanë pasur moto dhe krenari.

Që Gjykatat dhe sistemi i drejtësisë të mos funksionojnë sipas motos së njohur sot: “Drejtësi ka por është pak e shtrenjtë”! Që Gjykatës e prokurorë të mos hapin dyert e burgjeve për bandat dhe të mbyllin brenda tyre mjeranë që s’kanë asnjë përkrahje.

Që në këtë vend të mos ekzistojë bindja që të fuqishmit dhe njerëzit politik nuk preken nga ligji edhe kur e bëjnë atë rreckë për të justifikuar zullumet e shpeshta.

Që pasuria publike të mos jetë pre e 4 – 5 oligarkëve që kanë marrë gjithë qeverisjen me konçension. Që janë përfituesit e vetëm dhe ekskluzivë pavarësisht nëse në fuqi është e majta apo e djathta. Kjo nuk ndodh askund në botë.

Qytetarët duhet të protestojnë që ministrat të mos jenë arrogantë dhe të mos e shmangin llogaridhënien.

Qytetarët duhet të protestojnë për taksat dhe mënyrën se si shpenzohen paratë që ata paguajnë.

Qytetarët duhet të protestojnë, kudo, përditë dhe nëse mësojnë ta bëjnë këtë për llogari të tyre dhe jo vetëm të partive, ky vend padyshim që do të jetë më i mirë. Në këtë vështrim, ngjallja e frymës së protestës, do të sherbejë për të mësuar se si të përballemi me të keqen dhe se si qytetarët të jenë vetë zotër të fateve të tyre. Të fatit të vet çdo ditë, jo një herë në 4 vjet, vetëm kur votojnë.

Blendi Fevziu

Etiketa: protestaprotesta e qytetareve


Ju sugjerojmë

Rikthehet dueli i madh? Ronaldo dhe Messi mund të përballen sërish
Sport

Rikthehet dueli i madh? Ronaldo dhe Messi mund të përballen sërish

26 Qershor, 2025 8:02 pm
Dështon për herë të 27-të konstituimi i Kuvendit të Kosovës
Rajoni

Gjykata Kushtetuese e Kosovës: Kuvendi duhet të konstituohet brenda 30 ditësh

26 Qershor, 2025 7:40 pm
Putin del nga Rusia, ja shteti ku ndodhet për vizitë pune
Bota

Putin del nga Rusia, ja shteti ku ndodhet për vizitë pune

26 Qershor, 2025 7:31 pm
Mbappe ngre padi kundër PSG për ngacmim moral dhe tentativë shantazhi
Sport

Mbappe ngre padi kundër PSG për ngacmim moral dhe tentativë shantazhi

26 Qershor, 2025 7:14 pm
OBSH dërgon ndihmat e para mjekësore në Gazë që nga marsi
Bota

OBSH dërgon ndihmat e para mjekësore në Gazë që nga marsi

26 Qershor, 2025 6:59 pm
Mbërrin në Shëngjin anija me 15 emigrantë nga Italia
Aktualitet

Mbërrin në Shëngjin anija me 15 emigrantë nga Italia

26 Qershor, 2025 6:44 pm
Mungoi për 6 muaj në parlament, Rama shkon pak minuta në seancë
Kryesore

Mungoi për 6 muaj në parlament, Rama shkon pak minuta në seancë

26 Qershor, 2025 6:38 pm
Energjia dhe turizmi, dy pikat e cenuara të Ballkanit nga kriza në Lindjen e Mesme
Rajoni

Energjia dhe turizmi, dy pikat e cenuara të Ballkanit nga kriza në Lindjen e Mesme

26 Qershor, 2025 6:26 pm
Informacioni rrodhi nga Pentagoni, Trump kërkon shkarkimin e gazetarëve
Bota

Informacioni rrodhi nga Pentagoni, Trump kërkon shkarkimin e gazetarëve

26 Qershor, 2025 6:12 pm
Cristiano Ronaldo pranon të rinovojë me Al Nassr, shifrat marramendëse të kontratës
Sport

Cristiano Ronaldo pranon të rinovojë me Al Nassr, shifrat marramendëse të kontratës

26 Qershor, 2025 6:08 pm
Para
A është kjo shenjë se Messi po largohet nga Barcelona?

A është kjo shenjë se Messi po largohet nga Barcelona?

Rrëfimi/ Minoreni shqiptar veprime të turpshme me të miturin e familjes që e adoptoi në Angli

Rrëfimi/ Minoreni shqiptar veprime të turpshme me të miturin e familjes që e adoptoi në Angli

Tahiri: Zjarri në laborator aksidental, PD të kërkojë falje

Foto/ Ja kush e "urdhëron" Saimir Tahirin
















TE FUNDIT

Rikthehet dueli i madh? Ronaldo dhe Messi mund të përballen sërish

Rikthehet dueli i madh? Ronaldo dhe Messi mund të përballen sërish
26 Qershor, 2025

Pesë vite pas përballjes së fundit zyrtare, Cristiano Ronaldo dhe Lionel Messi mund të rikthejnë rivalitetin mes tyre, këtë herë...

Lexo më shumë

Gjykata Kushtetuese e Kosovës: Kuvendi duhet të konstituohet brenda 30 ditësh

Dështon për herë të 27-të konstituimi i Kuvendit të Kosovës
26 Qershor, 2025

Gjykata Kushtetuese e Kosovës tha se deputetët duhet që jo më vonë se 30 ditë të përfundojnë seancën konstituive të...

Lexo më shumë

Putin del nga Rusia, ja shteti ku ndodhet për vizitë pune

Putin del nga Rusia, ja shteti ku ndodhet për vizitë pune
26 Qershor, 2025

Presidenti rus Vladimir Putin ka mbërritur në Bjellorusi për një vizitë pune. Avioni i udhëheqësit rus u ul në aeroportin...

Lexo më shumë

Mbappe ngre padi kundër PSG për ngacmim moral dhe tentativë shantazhi

Mbappe ngre padi kundër PSG për ngacmim moral dhe tentativë shantazhi
26 Qershor, 2025

Beteja ligjore midis Kylian Mbappe dhe Paris Saint-Germain ka arritur në një nivel të ri. Zyra e prokurorit të Parisit...

Lexo më shumë
Opinion.al

Kategoritë

Kryesore

Aktualitet

Unë Shkruaj

Komente

Bota 

Sport 

Instabiz

Opinion Web Tv

Lifestyle

Galeri

Rreth Nesh

ON AIR: E hene – E marte – E merkure – 22:15 E ejnte – 21:00

OPINION nga Blendi Fevziu. Emisioni politik me i ndjekur dhe me i preferuar ne ekranet shqiptare.
“Opinion” vjen ne kater takime cdo jave – e hene, e marte, e merkure dhe takimi tradicional i te ejntes mbrema.
Cdo jave ne studion e Tv Klan, komente, analiza, debate, komente, intervista, personazhe, deshmi dhe fakte konkrete. Ngjarjet me te fundit dhe me te rendesishme ne jeten politike dhe sociale te vendit, me debatet, opinionet dhe analizat e te ftuarve ne studio.
Salloni i politikes dhe aktualitetit hap dyert 4 mbremje ne jave, per te degjuar opinionet e politikaneve dhe analisteve. Padron i shtepise, gazetari dhe analisti Blendi Fevziu.

Të gjitha të drejtat e rezervuara Opinion ©2025
Dev By Techzero1.com

Nuk ka rezultat
View All Result
  • Hyrja
  • Kryesore
  • Aktualitet
    • Politikë
    • Kronikë
    • Sociale
  • Unë shkruaj
  • Komente
  • Bota
  • Sport
  • InstaBIZ
  • OPINION WEB TV
    • Emisionet
    • U tha në Opinion
    • Si u Veshën
  • Life Style
    • Shëndeti
    • Jetë dhe Stil
    • Teknologji
    • Kulturë

Të gjitha të drejtat e rezervuara Opinion ©2025
Dev By Techzero1.com