Qeset e vogla me silic janë të futura në pjesën më të madhe të paketimeve, në kuti, mes këpucëve, çantave etj.
Ajo çka ne bëjmë në pjesën më të madhe është se i hedhim duke mos kuptuar kështu funksionin e tyre.
Gjithsesi rezulton se këto qese nuk janë aq të panevojshme nga sa duken. Ato janë të mbushur me dioksid silikoni, një përbërje e cila thith lagështirën.
Kështu që herën tjetër që hapni ndonjë paketim, në vend që t’i hidhni në koshin e mbeturinave, mendoni për çfarë funksionesh mund ti përdorni.
Mund të shpëtoni një telefon të lagur
Nëse keni fatin e keq që t’ju bjerë telefoni në ujë, ju e dini që shanset që ai të shpëtojë pa u prishur janë të pakta. Por nëse i vini në një tas të mbushur me qese me silic, do të zbuloni se pjesa më e madhe e ujit është përthithur dhe shanset që telefoni t’ju punojë sërish janë të larta.
Mund të mbani make up-in të freskët
Fusni 2 qese të këtilla në çantën tuaj të make up-it që të parandalojë ngrirjen e produkteve me bazë pudre.
Mbani këpucët pa erë të keqe
Qeset e silicit mund të thithin djersën dhe të gjithë lëngjet e tjera, duke i lënë këpucët të freskëta dhe pa aromë.
Mbani argjendurinat e pastra
Shmangni procesin e ndryshkjes të një seti argjendurinash duke vendosur disa qeska silic në dollapin ku i mbani.
Mbroni fotografitë
Sigurohuni që fotot e çmuara të rrojnë sa më gjatë duke vendosur disa qese në albumin e fotografive, ato thithin lagështirën që është dhe zakonisht shkaktarja e dëmtimit të tyre.
Ruani bizhuteritë
Largoni ndryshkun apo prishjen e bizhuterive tuaja duke vendosur disa qese silic në kutinë e tyre.
