Një tjetër e shtunë përplasjesh në Paris gjatë protestës kundër ligjit të sigurisë. Grupe të rinjsh hodhën objekte në drejtim të policisë në lindje të qytetit.
Agjentët u përgjigjën me gaz lotsjellës. Dritaret e dyqaneve dhe dritaret e agjencive të bankave dhe të sigurimeve u shkatërruan. Rreth gjashtëdhjetë persona u arrestuan.
Pas incidenteve të Shtunën e kaluar, protesta kundër Nenit 24, i cili ndalon filmimin dhe postimin e fotove të oficerëve të policisë në aksion si dhe kundër të gjithë ligjit global të sigurisë, është kthyer në një revoltë të dhunshme.
Këtë herë demonstrata konvergoi me protestën kundër “pasigurisë”. Të paktën 500 njerëz të gjithë të mbuluar me të zeza ishin të gatshëm për një konfrontim fizik me policinë, e cila në mënyrë efektive parandaloi rreth 5,000 demonstrues të arrinin në sheshin e Republikës.
Policia ka blinduar hyrjet në qendër të Parisit dhe në veçanti në Marais, ku rrugët e vogla të mbushura me dyqane do të kishin qenë një fushë beteje ideale për protestuesit. Hedhja e sendeve, fishekzjarreve, përzierjeve Molotov kundër policisë ishte shumë e dendur, e po kështu edhe përgjigjja me gaz lotsjellës nga agjentët./Opinion.al
