Një ditë pasi mazhoranca dhe opozita votuan në parim draftin e reformës në drejtësi ka nisur përplasja mazhorancë-opozitë.
Sot gjatë diskutimit nen për nen ka pasur debate në mbledhjen e komisionit të posaçëm parlamentar për reformën në drejtësi. Në fund neni i debatuar është miratuar me votën e dyfishtë të kryetarit të Komisionit, Fatmir Xhafa.
Debatet kanë qënë konkretisht për nenin 3 të kapitullit të Parë. Përfaqësuesit e opozitës votuan kundër, duke e çuar rezultatin e votimit në 5 me 5, ndërsa vetëm vota e dyfishtë e Xhafajt kaloi këtë nen.
PD është shprehur kundër me argumentin se ky nen prek ligjin për dekriminalizimin. “Futja e këtij neni është atentat për reformën në drejtësi”, tha Halimi.
