Edi Paloka, kryetari i Komisionit parlamentar hetimor për çështjen “Tahiri” në mbledhjen e radhës është përplasur me Ermonela Felajn duke e akuzuar se i ka uzurpuar postin e kryetarit.
Felaj nuk e pranoi akuzën, por u përpoq të sqaronte se mbledhja ishte caktuar për në datën 26 prill dhe (opozita) nuk u paraqitë.
Paloka i hodhi poshtë pretendimin duke i theksuar se mazhoranca ishte njoftuar nga sekretaria për shtyrjen e mbledhjes.
Pjesë nga debati:
Paloka: Ajo e ashtuquajtura mbledhje që bëtë përveçse është nul është në shkelje të plotë të ligjit dhe ju zonja Felaj në atë mbledhje keni uzurpuar postin e kryetarit që nuk ju takon me ligj. E lashë thjesht si denoncim publik se mund tu akuzoja për uzurpim të postit. Ishin kuksianët në protestë e ju dhanë urdhër për të bërë zhurmë.
Felaj: Nuk kam mbledhur komision.
Paloka: Të mbaroj unë pastaj fol prapë se s’ta pret njeri fjalën.
Felaj: Për vijimësi logjike, jo të marrim një pikë që vjen më pas e ta vëmë të parën. Në atë mbledhje që kryetari thotë e thirrëm ne ishte një mbledhje që ishte vendosur dhe ishte thënë që në datën pasaardhëse është bërë mbledhja. Nuk kam pasur njoftim nga kryetari.
Paloka: Justifikime kot. E para, keni pasur njoftim nga sekretaria dhe nuk keni pasur të drejtë të uzurponi vendin e kryetarit.
Felaj: S’ta ka zënë njeri mos ki merak.
Paloka: Nuk pretendoj për atë vend mos ki merak.
Debatet kanë vijuar dhe mes deputetëve, pasi nënkryetarja Felaj kërkoi që pika e parë e rendit të ditës, ajo e caktimit të ekspertëve të jashtëm, të kalojë si pikë e fundit.
