Drejtori amerikan i Inteligjencës Kombëtare, Dan Coats është kthyer në figurën e fundit të profilit të lartë në Shtetet e Bashkuara që do të largohet nga administrata e presidentit amerikan, Donald Trump.
Presidenti Trump ka thënë se Coats do të largohet nga posti që ka në mes të muajit gusht dhe se ai do të nominojë kongresmenin nga Teksasi, John Ratcliffe për ta zëvendësuar Coats. Ai ka thënë se Ratcliffe do të “reflektojë madhështinë” për shtetin që do.
Coats dhe Trump kanë pasur shpesh përplasje të ndryshme sa u përket Rusisë apo Koresë Veriore. Si drejtor për inteligjencë kombëtare, Coats ka mbikëqyrur 17 agjencitë amerikane të inteligjencës, përfshirë, CIA-n dhe NSA-n.
Gjatë udhëheqjes së tij, vendimet kanë qenë në kundërshtim me parimet e presidentit të SHBA-së, i cili ka qenë edhe kritik ndaj agjencive të inteligjencës.
Në muajin janar, presidenti i ka cilësuar pasivë, shefat e inteligjencës dhe naivë ndaj kërcënimit që përbën Irani./ Opinion.al
