Të shtëna armësh kanë tronditur sot qytetin e Laçit, ku për pasojë kanë humbur jetën dy persona, kushërinj me njëri-tjetrin.
Megjithëse fillimisht u raportua për një viktimë, policia në njoftimin e saj zyrtar tha se pati dy të plagosur rëndë, të cilët u transportuan me urgjencë drejt spitalit. Rreth orës 22:00 policia në një njoftim të dytë, konfirmoi se shtetasit Mikel Jushi 35 vjeç dhe Jani Jushi 30 vjeç ndërruan jetë në spital nga plagët e marra.
Ndërkohë, mësohet se në vendngjarje kanë shkuar shërbimet e Rendit dhe të Policisë së Hetimit të Krimit, që po punojnë për identifikimin e autorëve.
“Disa shërbime të tjera policore kanë ngritur pika kontrolli dhe po vijon shoqerimi i përsonave që mund të kenë dijeni për rrethanat e ngjarjes. Për shkak të hetimit nuk mund të bëhen publike të tjera detaje qe lidhen me ngjarjen”, thuhet në njoftimin e policisë./Opinion.al
