Një shqiptar është vrarë me thikë pas një sherri që dyshohet se ka nisur pas disa konflikteve të vazhdueshme për një borxh prej 5 mijë eurosh.
Në sherrin e dhunshëm janë përfshirë dy familje shqiptare.
Sipas mediave italiane mësohet se ngjarja ka ndodhur në Itali në provincën e Rimini, ku debati ka degraduar deri në përdorimin e thikës.
Nga informacionet e para, viktima është identifikuar si shtetasi 38-vjeçari Dritan Idrizi, banues në zonën e Rimini të San Giovanni në Marignano, i cili më pas ka ndërruar jetë në spitalin Cattolica.
Sipas hetimeve 38-vjeçari u godit me thikë, dhe kishte marrë tre plagë të cilave nuk arriti t’i mbijetonte.
Po ashtu kanë mbetur të plagosur edhe 4 tjerë, të cilët janë transferuar në spitalin e Pesaros.
Ndërkohë hetimet vazhdojnë për zbardhjen e plotë të kësaj ngjarje të rëndë.
