Anëtari i opozitës në Këshillin Bashkiak Tedi Blushi ka dalë nga komisariati nr.1 pas kallëzimit të bërë nga Halit Valteri.
Shoqërimi i Blushit nga Policia u bë pasi u përfshi në një përplasje fizike me Valterin gjatë mbledhjes së Këshillit Bashkiak.
Blushi u shpreh pasi doli nga komisariati se çdo person që provokon opozitën do të marrë përgjigjen që meriton.
“Kush provokon dhe tenton te ngrejë dorë mbi opozitën do të marrë përgjigjen më shembullore, më demokratike dhe më shqiptare, në çdo strofull që të ndodhet. Narkoshteti e mori sot përgjigjen ballore në bashki, e mori përgjigjen ballore brenda në komisariatin e Narkopolicisë dhe do ta marrë ballore në çdo strofull. Ky regjim na ka përballe”-tha Blushi.
