Përplasi për vdekje me makinë 59-vjeçarin në aksin rrugor “Mbikalimi i Patokut-Laç”, policia ka identifikuar dhe shpallur në kërkim drejtuesin e automjetit.
Bëhet fjalë për një 35-vjeçar, i cili pas aksidentit më 29 maj u largua nga vendi i ngjarjes.
59-vjeçarin ndërroi jetë gjatë rrugës për në spital për shkak të plagëve që kishte marrë.
Njoftimi i policisë:
Në vijim të informacionit të dhënë më datë 29.05.2025, për aksidentin e ndodhur në aksin rrugor “Mbikalimi i Patokut-Laç”, bëjmë me dije se nga veprimet hetimore të kryera nga specialistët e Sektorit të Policise Rrugore, është bere i mundur identifikimi i drejtuesit te automjetit që dyshohet se ka shkaktuar aksidentin, shtetasi D. N., 35 vjeç, banues në Tiranë.
Ky shtetas pasi ka shkaktuar aksidentin është larguar nga vendi ku dyshohet se ka përplasur me automjet, shtetasin F. H., 59 vjeç, i cili humbi jetën gjatë transportimit në spital. Vijon puna për kapjen e shtetasit D. N.
