Një 21-vjeçar është arrestuar paraditen e sotme nga Policia e Tiranës, pasi ka përplasur për vdekje një këmbësor.
Ngjarja ka ndodhur ditën e djeshme në rrugën e vjetër Sauk-Teg. Ndërkohë që mësohet se viktima është një 40-vjeçar.
“Arrestohet shtetasi 21 vjeç, banues në Tiranë, pasi ditën e djeshme, në rrugën e vjetër Sauk-Teg, duke drejtuar mjetin tip “Benz”, ka aksidentuar këmbësorin, shtetasin, 40 vjeç, i cili si pasojë e aksidentit ka humbur jetën”, thuhet në njoftimin e policisë.
