Policia ka vënë në pranga një 21-vjeçar, pasi aksidentoi për vdekje dy këmbësorë.
Aksidenti me pasojë vdekjen e dy këmbësorëve ndodhi këtë të premten në fshatin Mjedë të Shkodrës.
Shkak i aksident u bë humbja e kontrollit të makinës nga 21-vjeçari.
“Specialistët e Sektorit të Policisë Rrugore të DVP Shkodër arrestuan në flagrancë shtetasin G. B., 21 vjeç, për veprën penale “Shkelja e rregullave të qarkullimit rrugor”, pasi mbasditen e djeshme në fshatin Mjedë, ka humbur kontrollin mbi drejtimin e automjetit dhe për pasojë automjeti ka dalur nga rruga, duke përplasur dy këmbësorët, ku si pasojë humbën jetën shtetasit N. P., 63 vjeç, dhe N. P., 43 vjeç”, njofton policia.
