Një shqiptar humbi jetën dhe një tjetër është plagosur rëndë si pasojë e një aksidenti të ndodhur mbrëmjen e së martës në provincën Colannella të Teramos në Abruzzo të Italisë.
Sipas mediave vendase, mjeti tip “Opel Meriva” që drejtonte 32-vjeçari Shendi Çaushaj, doli nga rruga dhe u përplas me një rrënjë ulliri. Siç shihet edhe në foto, automjeti duhet të ketë qenë duke udhëtuar me shpejtësi të lartë pasi makina ka pësuar shumë dëme kryesisht në anën e shoferit.
Nga përplasja ka mbetur i vdekur në vend Çaushajn, ndërsa shqiptari tjetër, i cili udhëtonte si pasagjer në makinë, u dërgua në spital gjendje të rëndë shëndetësore. Mediat nuk ia kanë bërë publik identitetin.
Pritet që autoritetet të dalin në një përfundim zyrtar për shkakun e ngjarjes, ndërkohë që pista kryesore ku po hetohet është ajo e përplasjes si pasojë e shpejtësisë. /Opinion.al
