Një aksident me pasojë vdekjen ka ndodhur pas mesnate në aksin rrugor Fier-Lushnje.
Sipas policisë një automjet i tipit Benz i drejtuar nga 22-vjeçari me iniciale M.SH është përplasur me një makinë të tipit Benz e drejtuar nga 31 vjeçari me iniciale B.Sh, ndërkohë që ka pësuar një përplasje të tretë ketë herë me automjetin tip “Jaguar” me drejtues 33-vjeçarin me iniciale G.Q.
Për shkak të kësaj përplasje ka humbur jetën në vend 18-vjeçari K.Sh, i cili ishte pasagjer në automjetin e drejtuar nga 22-vjeçari.
Ndërkohë personat e tjerë të plagosur në aksident ndodhen në Spitalin e Lushnjes nën kujdesin e mjekëve.
Njoftimi i policisë:
Sot pas mesnate në aksin rrugor Fier-Lushnje, në vendin e quajtur “Kryqëzimi i Shoferit” automjeti tip “Benz” me drejtues shtetasin M.Sh, 22 vjeç, banues në Hysgjokaj, Lushnje, është përplasur me automjetin tip “Benz” me drejtues shtetasin B.Sh, 31 vjeç, banues në Hysgjokaj, Lushnje dhe më pas është përplasur edhe me automjetin tip “Jaguar” me drejtues shtetasin G.Q, 33 vjeç, banues në Koplik. Si pasojë e përplasjes ka humbur jetën në vend shtetasi K.Sh, 18 vjeç, banues në Hysgjokaj, Lushnje.(pasagjerë në automjetin tip “Benz” që drejtohej nga shtetasi M.Sh).
Gjithashtu dëmtime kanë marë edhe dy drejtuesit e automjeteve, shtetasit M.Sh dhe G.Q të cilët ndodhen në Spitalin e Lushnjes nën kujdesin e mjekëve. Grupi hetimor po punon për zbardhjen e plotë të ngjarjes./ Opinion.al
