Një aksident ka ndodhur mbrëmjen e sotme në Tunelin e Kalimashit .
Policia njofton se dy makina, me drejtim lëvizjeje Milot-Morinë, janë përplasur me njëra-tjetrën.
Si pasojë e aksidentit, dy pasagjerët që ndodheshin në makinën “Benz” janë dërguar në spital për ndihmë mjekësore.
Ndërkohë, policia ka mbërritur në vendngjarje dhe po punon për të zbardhur shkaqet e aksidentit.
Njoftimi i Policisë:
Në tunelin e Kalimashit, me drejtim lëvizjeje Milot-Morinë, automjeti tip “Benz” me drejtuese shtetasen është përplasur me automjetin tip “Benz”, me drejtues shtetasin.
Dy pasagjerët, shtetasit që udhëtonin me automjetin me drejtuese shtetasen janë dërguar në spital për kontroll mjekësorë.
Shërbimet e Policisë menjëherë bënë të mundur hapjen e rrugës dhe lëvizja e automjeteve vijon e lirë në tunel.
Grupi hetimor po punon për përcaktimin e shkakut të aksidentit.
