Një aksident me vdekje është raportuar paraditen e sotme në Rrugën e Arbrit.
Uniformat blu raportojnë se ngjarja ka ndodhur në afërsi të “Shkallës së Tujanit”, ku dy automjete janë përplasur me njëra tjetrën dhe për pasojë njëra prej tyre ka rënë në humnerë.
Mësohet se kanë humbur jetën dy persona, të cilët ishin në automjetin që ka rënë në humnerë.
“Më datë 18.12.2023, në Rrugën e Arbrit, afër Shkallës së Tujanit, janë përplasur 2 automjete. Si pasojë e përplasjes, njëri nga automjetet ka rënë nga lartësia në humnerë dhe 2 shtetasit që kanë qenë në këtë automjet, kanë humbur jetën.
Drejtuesi i automjetit tjetër, shtetasi K. R., ndodhet në spital, në kujdesin e mjekëve.
Grupi hetimor po punon për sqarimin e rrethanave të aksidentit dhe për identifikimin e 2 shtetasve që kanë humbur jetën”, njofton policia./Opinion.al
