Një 78-vjeçar banues në fshatin Skrevan të Dimalit ka ndërruar jetë si pasojë e një aksidenti.
Sipas policisë, pasditen e djeshme mjeti tip “Hyundai”që drejtohej nga një 33-vjeçar është përplasur me mjetin tip “Seat” që drejtohej nga një 41-vjeçar ku për pasojë ka humbur jetën pasagjeri në mjetin “Seat”.
Ndërkohë blutë kanë arrestuar 33-vjeçarin.
“Sektori i Policisë Rrugore arrestoi në flagrancë shtetasin A. T., 33 vjeç, banues në Dimal, pasi mbasditen e djeshme duke drejtuar mjetin e tij tip “Hyundaj”, është përplasur me mjetin tip “Seat”, me drejtues shtetasin A. G., 41 vjeç, banues në fshatin Skrevan, Dimal. Si pasojë e përplasjes është dëmtuar dhe ka ndërruar jetë në spital shtetasi S. G., 78 vjeç, banues në fshatin Skrevan, Dimal, i cili ishte pasagjerë në mjetin tip “Seat””, njofton Policia.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat.
