Një aksident ka ndodhur ditën e sotme në qytetin e Laçit, ku dy automjete janë përplasur me njëra-tjetrën.
Uniformat blu bëjnë me dije se mjeti me drejtuese shtetasen F. Gj., 44 vjeçe, është përplasur me automjetin me drejtues shtetasin A. Gj., 27 vjeç.
Për pasojë janë plagosur shtetasja F. Gj. dhe një pasagjere në automjetin që drejtonte ajo.
“Në Laç, automjeti me drejtuese shtetasen F. Gj., 44 vjeçe, është përplasur me automjetin me drejtues shtetasin A. Gj., 27 vjeç. Si pasojë janë dëmtuar shtetasja F. Gj. dhe një pasagjere në automjetin që drejtonte ajo, të cilat po marrin asistencë mjekësore dhe aktualisht janë jashtë rrezikut për jetën”, njofton policia.
Grupi hetimor po punon për sqarimin e rrethanave të aksidentit./Opinion.al
