Tre makina janë përfshirë në një aksident pasditen e sotme në aksin rrugor Gjirokastër-Kordhocë”.
Sipas Policisë, automjeti tip “Nissan” me drejtues shtetasin J. D., 66 vjeç, është përplasur me automjetin tip furgon, me drejtues shtetasin N. B., 55 vjeç, automjeti tip “Ford”, me drejtues shtetasin E. L., 37 vjeç, banues në Gjirokastër.
Për pasojë, janë dëmtuar lehtë 2 drejtuesit e automjeteve tip “Nissan” dhe “Ford”, si dhe ka mbetur e dëmtuar rëndë pasagjerja që ndodhej në automjetin tip “Nissan”, shtetasja S. D., 60 vjeçe, të cilët janë transportuar në Spitalin Rajonal Gjirokastër.
Në vendngjarje ndodhet grupi hetimor, i cili po punon për zbardhjen e shkaqeve të aksidentit.
