Kryetari aktual i Prishtinës, Përparim Rama, në një intervistë me gazetarin Blendi Fevziu në emisionin “Opinion” në Tv Klan, tha se përpara se të drejtojë kryeqytetin e Kosovës, ka jetuar shumë vite në Londër.
Përparim Rama theksoi se një mik i ka bërë ftesë për t’u kthyer. Ai shtoi se dëshiron që të transformojë qytetin.
Kandidati për kryetar i Prishtinës, Përparim Rama: Ne kemi përfunduar Unazën e brendshme dhe kemi vendosur edhe parkim. Do kemi linja të veçanta për autobusë, skuterë etj. Kam jetuar 29 vite në Londër, në SHBA kam jetuar, në Australi. Mua më thirrën që të vij në Prishtinë.
Një mik i imi më thirri përpara katër viteve dhe më tha se a dëshiroja që unë të konkurroja për kryetar të qytetit. Unë si arkitekt kam dhënë këshilla për kryetarët e mëhershëm të kryeqytetit të Kosovës. Unë dua të transformoj vendin tim ku kam lindur. Tani jetoj këtu bashkë me familjen. Qeveria na ka ndaluar punën për arsye mirfilli politike.
Kryetari aktual i Prishtinës Përparim Rama dhe Hajrullah Çeku ishin më të votuarit në raundin e parë zgjedhor, duke shkuar në raundin final.
