Një 24-vjeçar është vënë në pranga nga policia e Elbasanit, pasi ka përndjekur për 1 vit një 17-vjeçare.
Uniformat blu bëjnë me dije se kanë arrestuar shtetasin M. R. 24 vjeç i cili përndiqte në rrugë të miturën, në mënyrë të vazhdueshme, prej 1 viti.
‘Specialistët për Hetimin e Krimeve të Komisariatit të Policisë Elbasan, pas kallëzimit të marrë nga një shtetase 17 vjeçe, se shtetasi M. R. e përndiqte në rrugë, në mënyrë të vazhdueshme, prej 1 viti, organizuan punën për lokalizimin dhe kapjen e këtij shtetasi.
Bazuar dhe në informacionet e siguruara në rrugë operative, u bë e mundur kapja dhe ndalimi shtetasit M. R., 24 vjeç, banues në Elbasan”, tha policia.
Materialet procedurale i kaluan Prokurorisë, për veprime të mëtejshme./Opinion.al
