Gjendjet e jashtëzakonshme janë shpallur në pjesë të Bosnjës dhe Serbisë pas shiut të madh dhe përmbytjeve të regjistruara në të dyja shtetet.
BBC shkruan se lumenjtë e tejmbushur kanë shpërthyer në qytete dhe fshatra, duke lënë komunitete të tëra pa energji, ndërsa rrëshqitjet e dheut kanë shkaktuar dëme edhe në banesa.
Të paktën tre persona janë mbytur.
Helikopterët e ushtrisë janë dërguar për të evakuuar mijëra banorë të bllokuar, por raportet thonë se moti i keq po pengon përpjekjet e shpëtimit.
Kryeministri i Serbisë Aleksandar Vuçiç tha se kjo ishte “fatkeqësia më e madhe e përmbytjeve që ka parë Serbia ndonjëherë”.
Ai tha se qeveria e tij kishte apeluar për ndihmë nga Bashkimi Evropian, Rusia dhe vendet fqinje.
Ekipet e shpëtimit në Serbi thonë se deri më tani kanë arritur të evakuojnë rreth 4,000 njerëz.
Në Bosnjë, helikopterët e ushtrisë janë përpjekur të shpëtojnë banorët, disa prej të cilëve janë ulur në çatitë e tyre duke pritur për ndihmë.
Por raportet thonë se era e fortë dhe shiu mund të pengojë përpjekjet.
“Ne u desh ta ndërpresim misionin për shkak të reshjeve dhe erërave. Moti është i tmerrshëm dhe helikopteri ka kufijtë e tij,” tha piloti i shpëtimit Fahrudin Memic.
“Ky është misioni më i vështirë në të cilin kam marrë pjesë”.
Mijëra shtëpi janë pa energji elektrike./Opinion.al
