Reshjet e dendura të shiut po shkaktojnë përmbytje në veriun e largët të Queensland, në Australi.
Përmbytjet kanë bërë që një qytet i tërë të evakuohet por ende mijëra njerëz mbeten të bllokuar, në atë që autoritetet presin të jetë përmbytja më e keqe ndonjëherë në rajonin australian.
Moti i nxitur nga një ciklon tropikal ka sjellë reshje të dendura për një vit në disa zona.
Imazhet nga rajoni tregojnë aeroplanë të zhytur në ujë në aeroportin e Cairns, një krokodil që shihet në mes të një qyteti dhe njerëz që largohen nga shtëpitë me varka.
Deri më tani nuk raportohet për persona të vdekur apo të zhdukur.
Reshjet intensive pritet të vazhdojnë edhe për 24 orë të tjera.
Qindra njerëz janë shpëtuar – me shumë shtëpi të përmbytura, ndersa energjia elektrike mungon dhe uji i pijshëm po pakësohet.
Kryeministri i Queensland Steven Miles i tha Korporatës Australiane të Transmetimeve se fatkeqësia natyrore ishte “më e keqja që mund të kujtojë”.
“Kam folur me banorët e Cairns në terren… dhe ata thonë se nuk kanë parë kurrë diçka të tillë,” tha ai.
