Përmbytja e disa zonave pak ditë më parë në vendin tonë ka ngjallur replika mes krerëve të politikës shqiptare.
Pas Bashës, ka reaguar edhe kryetarja e LSI-së, Monika Kryemadhi, e cila është shprehur se një qeverisje e paaftë di vetëm të justifikohet kur qytetarët i kërkojnë llogari.
Sipas Kryemadhit, qeveria “Rama” është në shërbim të oligarkëve dhe jo të qytetarëve.
LEXO EDHE: Rama: Basha dhe Meta duan të bëjnë komerdare Nusretin bashkë me Tiren
“Një qeverisje e paaftë di vetëm të justifikohet kur qytetarët kërkojnë llogari. Këtë gjë bëri qeveria edhe sot. Përmbytjet janë përgjegjësi e kryeministrit dhe pasojat e rënda financiare nga krizat që vendi është përballur janë përgjegjësi e keqqeverisjes së tij. Rilindja i shërben vetëm oligarkëve dhe jo qytetarëve, ndaj vetë Rama është kthyer sot në një krizë për vendin. Njerëzit nuk duan batuta, koha po mbaron. Edhe 100 ditë për ndryshimin! #25Prill2021”,-shkruan Kryemadhi./ Opinion.al
