Presidentja e Komisionin Europian Ursula von der Leyen ka reaguar për situatën e përmbytjeve në Greqi, Bullgari dhe Turqi.
Përmes një postimi në rrjete sociale, presidentja e KE shpreh mbështetjen për vendet e prekura, pas situatës katastrofike të ndodhur për shkak të motit të keq.
Mes të tjerash ajo thekson se BE është në kontakt me autoritetet greke dhe se do të ofrojë mbështetje të plotë nëpërmjet mekanizmit të Mbrojtjes Civile.
“Evropa është në anën e njerëzve të prekur nga përmbytjet katastrofike në Greqi, Bullgari dhe Turqi. Ne jemi të gatshëm të aktivizojmë Mekanizmin tonë të Mbrojtjes Civile të BE-së.
I kam përcjellë KM @kmitsotakis solidaritetin tonë të fortë evropian.
Jemi në kontakt me autoritetet greke për të dhënë mbështetje”, shkruan Ursula von der Leyen.
Kujtojmë që Greqia, Turqia dhe Bullgaria vazhdojnë të përballen me përmbytjet që prej fillimit të kësaj jave. Veriperëndimi i Turqisë deri në kufi me Bullgarinë pothuajse janë përmbytur.
Në Greqi, situata mbetet shqetësuese në Volos dhe Karditsa, pra kryesisht në perëndim, por edhe Athina u mbulua nga uji i furishëm, duke e bërë të vështirë lëvizjen. Ndërkohë në Bullgari, stuhitë e shiut vazhdojnë, sidomos në qytetet jugore të Detit të Zi./Opinion.al
Europe is by the side of the people affected by devastating floods in Greece, Bulgaria and Turkey.
We stand ready to activate our EU Civil Protection Mechanism.
I conveyed to PM @kmitsotakis our strong European solidarity.
We are in contact with the Greek authorities to…
— Ursula von der Leyen (@vonderleyen) September 7, 2023
