Situata e përmbytjeve në Emilia Romagna po përkeqësohet dita-ditës.
Shifrat janë të frikshme, mbi 36,000 njerëz u detyruan të lënë shtëpitë e tyre dhe të gjejnë strehim tek të afërmit ose në qendrat e pritjes. Janë rreth 500 rrugë të mbyllura, ndërsa janë regjistruar 305 rrëshqitje dherash. Përafërsisht njëqind komuna u përfshinë, tre herë më shumë se në tërmetin e vitit 2012.
Sipas të dhënave të fundit, 15persona kanë humbur jetën, ndërkohë, mbrojtja civile ka rinovuar alarmin e kuq edhe për nesër në zonat e prekura nga moti i keq i ditëve të fundit.
Kodi i kuq në Bolonja dhe Romagna lidhet me problemet serioze hidrogjeologjike dhe hidraulike tashmë të pranishme në zonë dhe që burojnë nga ngjarjet e ditëve të fundit. Megjithatë, nesër priten reshje të dobëta të shpërndara. Nuk priten rritje të konsiderueshme të niveleve të lumenjve, edhe nëse rreziku i rrëshqitjeve të dheut mbetet shumë i lartë.
Ndërkohë, mëngjesin e sotëm kryeministri Giorgia Meloni zbarkoi në aeroportin e Rimini, e ardhur nga Japonia. Pas inspektimit në zonat e përmbytura, ai do të takohet me presidentin e Emilia Romagna-s, Stefano Bonaccini, për të bërë një bilanc të situatës. Aktualisht ajo po viziton zonat e prekura nga vala vdekjeprurëse e motit të keq në rajonin Emilia Romagna.
Të martën, kabineti do të mblidhet në Romë për të miratuar masat emergjente për të mbështetur të prekurit./Opinion.al
