Greqi është përfshirë nga një mot i keq, i cili ka shkaktuar përmbytje të shumta.
Sipas mediave greke, stuhia “Daniel” ka shkaktuar fatkeqësi në Volos, Larisa, Skiathos, Pieria, Imathia dhe Halkidiki.
Mësohet se nga përmbytjet niveli i ujit ka arritur deri në 645 milimetra në mesditë, duke shkaktuar probleme të mëdha në rrugë.
Vërshimi i ujit ka marrë para shumë automjete, ka përmbytur banesa dhe prona. Gjithashtu sot u shënua edhe një viktimë nga moti i keq, ku një 51 vjeçar u shtyp nga një mur.
Ndërsa raportohet se një 42-vjeçar është ende i zhdukur dhe dhjetëra persona janë të bllokuar në hotelet përballë plazhit të Volos.
Në orët e ardhshme vala intensive e motit të keq, me stuhi të forta, pritet të godasë brigjet e Pierisë, Paralia Katerinis deri në plazhet e Platamonas, Imathia dhe pjesën jugore të Halkidikit (gadishujt Kassandra-Sithonia).
