Shtohen numri i viktimave dhe i fëmijëve të zhdukur, ashtu sikurse dhe dëme materiale nga përmbytjet e lumit Guadalupe të Teksasit.
Siç raporton BBC-ja shënohen të paktën 24 viktima deri më tani, e 25 fëmijë të zhdukur. Fëmjët e zhdukur, i përkasin një kampi veror për vajza, të mitur me të cilët nuk arrihet komunikimi me ‘ta.
Presidenti i Shteteve të Bashkuara të Amerikës, Donald Trump, e cilësoi ngjarjen një tragjedi tronditëse dhe e tmerrshme, e cila ndodhi në Ditën e Pavarësisë. Zyrtarët federalë kanë premtuar ndihmë, tha guvernatori i Teksasit, Greg Abbott. Ky i fundit, është shprehur se një operacion kërkim-shpëtimi gjatë natës është zhvilluar, megjithëse zyrtarët e Teksasit nuk mundën të konfirmonin numrin total të personave të zhdukur.
Zëvendësguvernatori i Teksasit, Dan Patrick, i informoi prindërit se nëse nuk janë kontaktuar, fëmija i tyre është në listën e të dhënave.
“Kjo nuk do të thotë që janë zhdukur. Ata mund të jenë jashtë komunikimit”, shtoi ai për fëmijët të cilësuar si të zhdukur deri më tani.
Patrick shprehur mirënjohje për ofertat e publikut për helikopterë dhe dronë personalë, por tha se nuk është e nevojshme për pajisje shtesë për të ndihmuar në përpjekjet e shpëtimit.
Ai tha se agjencitë e shpëtimit kishin 14 helikopterë, 12 dronë, nëntë ekipe shpëtimi dhe notarë në ujë, një total prej 400-500 personash në tokë. Sakaq, vijojnë operacionet e shpëtimit dhe të, si dhe ende ka paralajmërime për përmbytje të mëtejshme të mundshme në shtet.
