“Tani kthehuni në fushë dhe luani një pjesë të dytë të veçantë, për tifozët, krijoni diçka që mund t’ia rrëfeni nipërve tuaj”. Këto kanë qenë fjalët e trajnerit të Liverpool, Jurgen Klopp, në përfundim të pjesës së parë të ndeshjes kundër Dortmund të mbyllur në disavantazh të dy golave nga “Të Kuqtë”.
Trajneri gjerman ka parë lojtarët e tij në sy dhe nuk i ka kërkuar atyre të fitojnë, i ka kërkuar të luajnë për lavdinë.
Divock Origi, që në fund të ndeshjes ka zbuluar fjalimin e trajnerit, është futur në fushë dhe ka shënuar pas 3 minutash. Më pas ka ardhur goli i 13it, që do të kishte gjunjëzuar çdo skuadër tjetër. Jo Liverpoolin.
Takimi është mbyllur 43 dhe Liverpool ka realizuar një përmbysje epike, një Stamboll të ri. Po, si në Stamboll. Gazetarët anglezë nuk e kanë lënë t’u shpëtojë rasti për të kujtuar finalen e paharrueshme të Champions League në 2005-ën të luajtur kundër Milan, kur “Të Kuqtë”, në 6 minuta, kanë kaluar nga 03 në 33, për të fituar më pas me penallti.
“Pak klube janë të aftë të dhurojnë mbrëmje të tilla. Nuk është një çështje lojtarësh, është mentaliteti i klubit”, ka qenë mesazhi i Jamie Carragher në Twitter, legjendë e Liverpool, i cili ka ndjekur ndeshjen e djeshme nga shkallët e “Anfield”.
Gerrard, Smicer dhe Xabo Alonso kanë qenë heronjtë e Stambollit, bashkë me Dudek. Tani idhujt e rinj janë Origi, Coutinho, Sakho dhe Lovren. Nuk ka pasur të njëjtën rëndësi si sfida e 2005-ës, por lojtarët janë bashkuar nën drejtimin e liderit Klopp, i cili është kthyer në imazhin e një klubi kaq të veçantë, duke prekur zemrat e lojtarëve me një fjalim të veçantë: “Unë nuk kam qenë, por disa lojtarë të Liverpool kanë qenë 30 në humbje në një finale të Champions dhe e kanë fituar. Nuk është e njëjta gjë, por është e mundur. Ta provojmë”.
