Ish-kryeministri, Sali Berisha, është shprehur këtë te enjte se PD nuk e njeh vendimin e Komisionit të Disiplinës që përjashtoi nga parlamenti 26 deputetë të opozitës pas bllokimit të seancës plenare këtë të enjte.
Teksa ka dhënë një deklaratë për gazetarët jashtë Parlamentit, Berisha tha se opozita nuk do të tërhiqet më ndërsa foli për një lëvizje të demokratëve për fitore.
“Ata mendojnë se na përjashtojnë, por në fakt ne sot jemi parlamentarët e vërtetë. Edhe 46 po të përjashtohen të jenë të sigurt se ne nuk dorëzohemi, nuk tërhiqemi. Prisni, durim. Tërheqje nuk ka më. Nuk e njohim vendimin. E vetmja gjë që kërkoj që hapat që do bëjmë do i bëjmë të sigurta dhe kërkohet durim spese kjo nuk është lëvizje sot për nesër, është sot për fitore”, u shpreh Sali Berisha.
26 deputetë të opozitës u përjashtuan sot për 10 ditë pasi opozita bllokoi Parlamentin duke bërë që seanca plenare të shtyhet për një moment tjetër.
