Tahiri nuk po përëballet vetëm me opozitën e LSI-në për çështjen e përgjimeve por edhe me të vetët. Sot ka pasur debate në mbledhjen e grupit socialist, thonë burimet.
Mësohet se në mbledhjen me dyer të mbyllura, që zgjati rreth 40 minuta, ministri Saimir Tahiri sqaroi kolegët socialistë, duke mohuar kategorikisht ekzistencën e një pajisjeje përgjimi në Policinë e Shtetit. Ministri Tahiri theksoi se pajisja e përfolur nuk është për përgjim, por për trajnim.
Mbledhja ka nisur rreth orës 13:15 minuta dhe përfundoi në orën 13:50. Në përfundim të mbledhjes, kryeministri Edi Rama nuk pranoi të fliste për mediat për çështjen e pajisjes së përgjimeve.
