“Ata që nuk e duan reformën në drejtësi janë të gatshëm të bëjnë gjithçka për të shpëtuar”. Kështu është shprehur Saimir Tahiri disa orë pasi prokuroria e shtetit bëri të ditur se nga hetimet ka rezultuar se janë kryer veprime të paligjshme me pajisjen përgjuese. “Jam i sigurt që s’është bërë përgjim nga policia e shtetit tha Tahiri, duke mbrojtur vartësin e tij, tashmë të pezulluar Haki Çako.
Numri Një i ministrisë së Brendshme tha se: “Unë publikisht i jap mbështetjen time, të qeverisë dhe kryeministrit për Drejtonin e Policisë dhe për dy policët e tjerë. Ata kanë kryer detyrën me përkushtim dhe devotshmëri. Policia e Shtetit ka një mision për t;i shërbyer qytetarëve. Nuk ka më të paprekshëm”.
Ai la të kuptohej se vendimi për pezullimin e Çakos është korruptiv, abuziv dhe me një qëllim të vetëm, të pengohet reforma në drejtësi.
“Edhe sistemet më të korruptuara dhe instancat më të korruptuara në sistemet gjyqësore nuk do të guxonin kurrë që të shkonin deri këtu për të penguar reformën në drejtësi. Opozita sot bashkë me frontin e së keqes nuk e do reformën në drejtësi”, deklaroi Tahiri
