Lulzim Basha ka qenë i ashpër në reagimin e tij pas pezullimit të drejtorit të përgjithshëm të Policisë së Shtetit Haki Çako i akuzuar për shpërdorim detyre në lidhje me pajisjen përgjuese.
“Është skandali i skandali”, tha Basha. Ai i bëri thirrje Edi Ramës të firmosë pezullimin nga detyra të Haki Çakos pas vendimit të gjykatës. Ai i bëri thirrje gjithashtu Saimir tahirit të japë dorëheqjen dhe të mos pengojë hetimin. Ai i bëri thirrje edhe kryeprokurorit të vendit, Adriatik Llalla ta çojë hetimin deri në fund dhe të mos majftohet me “koka turku”.
Deklarata e Bashës për mediat
Skandal mbi gjithë të tjerët. Një kirim i madh. Cënim i madh. Shkelje flagrante e sigurisë së shtetit. Sot ka dalë në dritë për shkak të hetimit nga prokuroria. Gjykata ka vendosur në masë sigurie ish-drejtorin e Policisë së Shtetit (përpos pezullimit), ka urdhëruar arrestimin e një tjetri (drejtor operacional). Padyshim kjo tregon për integritetin e prokurorisë, por nuk është e mjaftueshme.
Kryeprokurori i vendit, prokurorët e çështjes duhet ta dinë qartë se nuk pranojnë “koka turku” në këtë proces. Nuk pranojnë që njeriu që ka kryer një operacion të pistë të mos hetohet.
Në çdo vend me standarde, një Ministër i Brendshëm do jepte dorëheqjen dhe do të vihej në dispozicion të drejtësisë.
Ministri i Brendshëm i kapur në flagrancë po i bën presion prokurorisë për të sabotuar hetimin.
Nëse Rama nuk lejon të japë dorëheqjen Tahiri do të thotë se është vetë i implikuar në këtë skandal përgjimi.
Hapi i parë është firmosja e pezullimit të Ccakos dhe largimi Tahirit.
Rama ka frikë nga skandali i përgjimit. Ndaj edhe dje edhe sot ngurron të japë konsensuin për një projekt drejtësie të pavarur. Ai nuk e do drejtësinë, pasi skandale të tilla tregojnë se Edi Rama nuk mund të përballet. Ai e do drejtësinë nën kontrolline tij. Edi Rama duhet të japë llogari, nëse janë përgjuar politikanë, diplomatë, përfaqësues të medias, etj.
