“Vajta i shërbeva si qeni. I shërbeva me sy mbyll… e dua edhe pikë. E dua kështu… firmosim ne, të gjithë si delet. Rresht. Firmën ne, e lekët ata.“
B: A mos i hëngërt o Zot.
Kjo bisedë dhe disa të tjera i janë dorëzuar Gjykatës së Posaçme nga SPAK për të kërkuar pezullimin nga detyra të kreut të Komisionit të Prokurorimit Publik, Jonaid Myzyrit, duke argumentuar se si punonjësja e tij e ka implikuar atë në shkelje gjatë detyrës.
Biseda është bërë mes Lindita Skejës, e bashkëpandehur me Myzyrin, dhe të afërmve të saj, ku i ankohet se ka bërë siç i ka kërkuar drejtuesi gjatë procedurave.
SPAK thotë se këto përgjime, të gërshetuara me provat e tjera dokumentare, tregojnë se si vendimmarrja e KPP për shqyrtimin e ankesës për procedurën e tenderit “Mirëmbajtje rutinë me performancë – rruga Shpal–Ura e Repsit”, me vlerë 2.2 milionë euro, ka qenë e ndikuar dhe jo në respektim të ligjit.
Për këtë tender, Prokuroria e Posaçme ka marrë të pandehur edhe disa persona të tjerë, të gjithë të dyshuar se kanë shkelur barazinë në tendera.
Të njëjtat përgjime kanë vënë në lëvizje SPAK, që të hetojë mbi grabitjen e 200 mijë eurove në banesën e Skejës, në mënyrë që të kuptojë burimin e atyre parave. Ngjarje që ka ndodhur në Librazhd.
Klan News
